ചോയിക്കുട്ടി വാർത്താചിത്ര പുരസ്കാരം മലയാള മനോരമ ഫൊട്ടോഗ്രഫർ റിങ്കുരാജിന്

അന്തരിച്ച ഫൊട്ടോ ജേണലിസ്റ്റ് ചോയിക്കുട്ടിയുടെ സ്മരണാർത്ഥം ഏർപ്പെടുത്തിയ വാർത്താചിത്ര പുരസ്കാരത്തിന് മലയാള മനോരമ ചീഫ് ഫൊട്ടോഗ്രഫർ റിങ്കുരാജ് മട്ടാഞ്ചേരിൽ അർഹനായി. 2025 മാർച്ചിൽ തിരുവനന്തപുരം സിവിൽ സ്റ്റേഷനിൽ തേനീച്ചക്കൂട്ടത്തിന്റെ ആക്രമണത്തിൽ നിന്ന് രക്ഷപ്പെടാൻ ശ്രമിക്കുന്ന ജീവനക്കാരിയുടെ ചിത്രം പകർത്തിയതിനാണ് ഈ അംഗീകാരം ലഭിച്ചത്. 15,000 രൂപയും ഫലകവും പ്രശസ്തിപത്രവും അടങ്ങുന്ന അവാർഡ് ഫെബ്രുവരി 7-ന് കോഴിക്കോട് പ്രസ് ക്ലബിൽ നടക്കുന്ന ചടങ്ങിൽ വിതരണം ചെയ്യും.