നായാട്ടിന് പോയ അഭിഭാഷകൻ വാഹനം അപകടത്തിൽപ്പെട്ടതിനെ തുടർന്ന് തോക്കുപൊട്ടി മരിച്ചു.

ഉഴവൂർ പയസ്മൗണ്ട് നീരുട്ടി ഭാഗത്ത് തിങ്കളാഴ്ച രാത്രി 11 മണിയോടെയുണ്ടായ അപകടത്തിൽ പാലാ ബാറിലെ അഭിഭാഷകനായ ഉഴവൂർ ഓക്കാട്ടിൽ അഡ്വ. ജോബി ജോസഫ് (56) അന്തരിച്ചു. നായാട്ടിനായി സ്കൂട്ടറിൽ പോകുന്നതിനിടെ വാഹനം അപകടത്തിൽപ്പെടുകയും, തോളിൽ തൂക്കിയിരുന്ന തോക്ക് അബദ്ധത്തിൽ പൊട്ടി വെടിയേൽക്കുകയുമായിരുന്നു. തോക്കുപൊട്ടുന്ന ശബ്ദം കേട്ട് പരിസരവാസികൾ ഉടൻ സ്ഥലത്തെത്തിയെങ്കിലും അദ്ദേഹത്തിന്റെ ജീവൻ രക്ഷിക്കാനായില്ല. പരേതനായ ജോബി ജോസഫിന്റെ ഭാര്യ ഡോ. ഷിജിയാണ്. എയ്വിൻ, അന്നൂസ്, ജോസ് എന്നിവർ മക്കളാണ്.