റോഡുവക്കിലെ ഉണങ്ങിനിന്ന മരക്കൊമ്പ് ഒടിഞ്ഞുവീണ് സ്കൂട്ടർ യാത്രക്കാരനായ ഇടിഞ്ഞാർ കല്ല്യാണിക്കരിക്കത്ത് ഷൈജു (47) മരിച്ചു. വ്യാഴാഴ്ച രാത്രി 10 മണിയോടെ ബ്രൈമൂർ - പാലോട് റൂട്ടിലെ മുള്ളച്ചൽ വളവിൽ വെച്ചായിരുന്നു അപകടം സംഭവിച്ചത്. സുഹൃത്തിന്റെ മകളുടെ വിവാഹ റിസപ്ഷനിൽ പങ്കെടുത്ത ശേഷം മടങ്ങുകയായിരുന്നു ഷൈജു. സ്കൂട്ടർ ഓടിച്ചിരുന്ന ബന്ധുവും ഇടിഞ്ഞാർ സ്വദേശിയുമായ ജോയി അത്ഭുതകരമായി രക്ഷപ്പെട്ടു. പിൻസീറ്റിലിരുന്ന ഷൈജുവിന്റെ തലയിലാണ് മരക്കൊമ്പ് വീണത്. മൃതദേഹം തിരുവനന്തപുരം മെഡിക്കൽ കോളേജ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. ഷൈജുവിന്റെ ഭാര്യ സീനയാണ്; ഫേബ, അബിൻ എന്നിവരാണ് മക്കൾ.
ലെൻസ്ഫെഡ് തിരുവനന്തപുരം ജില്ലാ കമ്മിറ്റിയുടെ 27-ാം വാർഷികാഘോഷം ഇന്ന്
ഭാരത് സേവ സമാജിന്റെ ദേശീയ ഭാരത് സേവക് പുരസ്കാരം ഫാദർ ബെന്യാമിൻ ശങ്കരത്തിൽ ന് ലഭിച്ചു
കാര്യവട്ടം ഏകദിനം: തിരുവനന്തപുരത്ത് ഇന്ന് കടുപ്പമേറിയ ഗതാഗത നിയന്ത്രണം
ചോയിക്കുട്ടി വാർത്താചിത്ര പുരസ്കാരം മലയാള മനോരമ ഫൊട്ടോഗ്രഫർ റിങ്കുരാജിന്