മധ്യവേനലവധിക്കാലത്ത് ക്ലാസുകൾ നടത്തരുതെന്ന ഉത്തരവ് കർശനമായി നടപ്പാക്കണമെന്ന് ബാലാവകാശ കമ്മിഷൻ.

2024 -25 അധ്യായന വർഷവും സംസ്ഥാനത്ത് മധ്യവേനലവധിക്കാലത്ത് ക്ലാസുകൾ നടത്തരുതെന്ന ഉത്തരവ് കർശനമായി നടപ്പാക്കണമെന്ന് ബാലാവകാശ കമ്മിഷൻ. നിലവിലെ ഉത്തരവ് കർശനമായി നടപ്പാക്കണമെന്നാണ് കമ്മിഷൻ ചെയർപേഴ്സൺ കെ.വി.മനോജ് കുമാർ അംഗം ഡോ.വിൽസൺ എന്നിവരുടെ ഡിവിഷൻ ബെഞ്ച് ഉത്തരവിട്ടത്. ഉത്തരവ് നടപ്പാക്കി 15 ദിവസത്തിനകം ബന്ധപ്പെട്ട ഉദ്യോഗസ്ഥർ കമ്മിഷന് റിപ്പോർട്ടു നൽകണമെന്നാണ് നിർദേശം. ഉത്തരവ് നടപ്പാക്കുന്നുണ്ടോ എന്നത് വിദ്യാഭ്യാസ വകുപ്പ് ഡയറക്ടർ പരിശോധിക്കണം.ലംഘിക്കുന്നവർക്കെതിരെ കർശന നടപടി സ്വീകരിക്കണമെന്നും സിബിഎസ്ഇ, ഐസിഎസ്ഇ സ്കൂളുകളുെ ഇത് പാലിക്കുന്നുണ്ടോ എന്ന് ബന്ധപ്പെട്ട റീജിയണൽ ഓഫീസർമാരും ചെയർമാനും ഉറപ്പ് വരുത്തണമെന്നും ഉത്തരവിൽ പറയുന്നു