കേരളത്തിൽ നിന്നുള്ള അന്തർ സംസ്ഥാന ടൂറിസ്റ്റ് ബസ് സർവീസുകൾ നിർത്തിവയ്ക്കുന്നതായി അസോസിയേഷൻ സംസ്ഥാന പ്രസിഡന്റ് ജെ റിയാസ്

കേരളത്തിൽ നിന്ന് തമിഴ്നാട്, കർണാടക സംസ്ഥാനങ്ങളിലേക്കുള്ള എല്ലാ അന്തർ സംസ്ഥാന ടൂറിസ്റ്റ് ബസ് സർവീസുകളും ഇന്ന് വൈകുന്നേരം 6 മണി മുതൽ നിർത്തിവെക്കുന്നു. ലക്ഷ്വറി ബസ് ഓണേഴ്സ് അസോസിയേഷൻ (കേരള സംസ്ഥാന സമിതി) ആണ് തീരുമാനം അറിയിച്ചത്. തമിഴ്നാട്, കർണാടക സംസ്ഥാനങ്ങളിൽ അന്യായ നികുതി, പിഴ, വാഹനം പിടിച്ചെടുക്കൽ തുടങ്ങിയ സാഹചര്യങ്ങൾ ചൂണ്ടിക്കാട്ടിയാണ് നടപടി. കർണാടകയും തമിഴ്നാടും അന്യായമായി കനത്ത പിഴ ചുമത്തുന്നതും നിയമവിരുദ്ധമായി സംസ്ഥാന തല നികുതികൾ ഈടാക്കുന്നതും ഓൾ ഇന്ത്യാ ടൂറിസ്റ്റ് പെർമിറ്റ് (AITP) വാഹനങ്ങൾ പിടിച്ചെടുക്കുന്നതും പതിവായതിനാലാണ് സർവീസ് നിർത്തിവയ്ക്കുന്നതെന്ന് അസോസിയേഷൻ സംസ്ഥാന പ്രസിഡന്റ് ജെ റിയാസ് വ്യക്തമാക്കി.